Иран го назначи Мохамад Бакер Золгадр за нов секретар на Врховниот совет за национална безбедност, откако неговиот претходник Али Лариџани беше убиен во во израелско-американски воздушен напад минатата недела, објавија светските медиуми.

Мохамад Багер Золгадр е роден во 1954 година во Фаса, во близина на Шираз, во тогашниот Пахлависки Иран. Студирал на Универзитетот во Техеран, каде што се стекнал со диплома на Економскиот факултет.

Пред Исламската револуција од 1979 година, тој бил поврзан со групата Мансурун, исламистичка милитантна организација која била активна во тоа време.

Золхадр е поранешен командант на Револуционерната гарда, кој претходно имал високи безбедносни позиции, вклучувајќи ги позициите заменик за безбедност во Министерството за внатрешни работи, заменик во Генералштабот на вооружените сили и советник на претседателот на судството за спречување на криминалот.

Тој го водеше изборниот штаб на тврдокорната политичка фракција, Народниот фронт на силите на исламската револуција.

Од 2022 година, тој е секретар на Советот за проценка на целесообразноста на Иран, тело кое решава спорови меѓу парламентот и Советот на чуварите – составен од шиитски свештеници и адвокати кои можат да блокираат закони и да надгледуваат избори.

Цената на нафтата од типот Брент повторно достигна 100 долари за барел