Ливерпул кој минатата сезона ја освои титулата, оваа сезона игра далеку послабо и дури се наоѓа надвор од позициите на табелата кои носат пласман во Лигата на шампионите.

Најголемата причина за променливите игри се честите повреди, но медиумите во Англија приметија уште еден податок, дури 12 фудбалери на Ливерпул имаат 28 или повеќе години, а дури девет од нив се стандардни првотимци. Но, Клоп нема намера да прави големи промени во тимот во летниот преоден рок.

– Што всушност значи обнова на тимот? 10 играчи да си одат и да дојдат нови 10? Знам на што мислите, но смета дека не е време за големи промени. Првиот тим не имаше многу шанси да игра заедно оваа сезона, но некои промени ќе се случат. Ќе реагираме во зависност од ситуацијата. Не сум сигурен што можеме да направиме ова лето, но ќе се обидеме нешто – изјави Клоп.

Ливерпул по четирите порази по ред во Премиер лигата, падна на шестото место на табелата со 19 бода помалку од лидерот Манчестер сити.