Кира Најтли: Проституцијата е единствената професија во која жените заработуваат повеќе од мажите
Актерката Кира Најтли отворено зборуваше за „комплексноста“ да се биде жена во модерната ера воедно зборувајќи за нејзината претстојна филмска улога. 35-годишната актерка треба да се појави во новиот филм наречен „Misbehavior“ кој се фокусира на светот на избори за убавина.
Додека дискутираше за тоа како се препознала во феминистките прикажани во филмот, призна дека се согласува со движењето и дека исто така е свесна за притисоците со кои се соочуваат жените во современиот свет.
Најтли разговараше за разликата во платите на мажите и жените и посочи дека манекенството и проституцијата се едни од ретките работни места што им овозможуваат на жените поголем приход од мажите.
„Го прочитав сценариото и секако, потполно се согласив со феминистките од вториот бран“, изјави за магазинот „Stellar“.
Кира, која е повеќе од две децении во филмската индустрија, истакна дека за жал, уште мажите заработуваат повеќе од жените иако „веќе не се зборува за тоа“.
„Сепак, единствената кариера број еден во светот, каде што жена може да заработи повеќе од маж е манекенство. Или проституцијата… И тоа кажува сè што е потребно да им се каже на младите жени. Начинот на кој изгледате е поважен од она што имате да кажете или она што го мислите. И тоа е светот во кој живееме денес“, изјави Најтли.
Актерката во интервјуто истакна дека отсекогаш била воодушевена од женските прашања и се надева дека своето знаење ќе го пренесе на нејзините две мали ќерки.
Инспирирана од вистински настани од Движењето за ослободување на жените и изборот на Мис на светот во 1970 година, Кира се приклучува на ѕвездите кои се надеваат дека ќе ја „расветлат“ објективизацијата со која се соочуваат со која се соочувале жените во тоа време, а несомнено, продолжуваат да се соочуваат и денес.