Кинезите им се закануваат на Американците со контрамерки доколку ги бојкотираат ЗОИ во Пекинг
Кинески владини претставници и организаторите на Зимските олимписки игри во Пекинг им се заканија на Американците со контрамерки доколку се одлучат за бојкот на Игрите кои треба да се одржат во февруари идната година.
Медиумите во САД шпекулираат дека претседателот Џо Бајден во текот на неделава ќе објави дка САД нема да учествуваат на Зимските олимписки игри. Причината за бојкотот на Игрите во Пекинг е кршењето на човековите права на Ујгурите и на другите малцински заедници во Кина.
Кинезите експресно реагираа на ваквите написи преку министерот за надворешни работи, Жао Лиџијан.
– Повикот на бојкот е непотребен и во овој момент може само да ги прекине дијалогот и соработката помеѓу Кина и САД на поголем број теми. Доколку се одлучат на тој чекор, ние сигурно ќе преземеме контрамерки – изјави Лиџијан, не прецизирајќи ги конкретните чекори на Кина во случај на бојкот на САД.
Медиумите во САД најавија дека евентуалниот бојкот би се однесувал само на официјални лица, додека спортистите ќе учествуваат на Игрите во Пекинг кои треба да се одржат од 4. до 22. февруари.