Севернокорејскиот лидер Ким Џонг Ун му испратил писмо на Владимир Путин, во кое ветува непоколеблива и безусловна поддршка за политиката на рускиот претседател, објави севернокорејската државна новинска агенција КЦНА, пренесува Известија.

„Безрезервно ќе ги почитувам и непоколебливо ќе ги поддржувам сите ваши политики и одлуки, подготвен да застанам на ваша страна за ваше добро и за доброто на Русија“, напишал Ким во писмото до Путин, според КЦНА.

Двете земји значително ја зајакнаа својата воена соработка откако започна руската инвазија на Украина во февруари 2022 година.

Покрај испраќањето војници во рускиот Курски регион за да се спротивстават на ненадејната украинска инвазија, Северна Кореја ѝ снабди на Русија со артилериски гранати и ракети, според новинската агенција Ројтерс.

За возврат, Москва ѝ испрати на Пјонгјанг воена технологија, како и економска, прехранбена и енергетска помош, велат аналитичарите.