Киднаперите на таткото на Луис Дијаз се огласија и најавија негово ослободување
Добри вести пристигнуваат за таткото на фудбалерот на Ливерпул, Луис Дијаз кој наскоро би требало да биде повторно на слобода.
Ќе потсетиме, двајцата родители на Дијаз беа киднапирани, но неговата мајка беше спасена од полицијата по само неколку часа.
Киднаперите сега се огласија преку соопштение во кое најавуваат дека ќе го ослободат таткото на Дијаз од почит кон неговиот син.
„Фронтот на северот не приморува на економски мисии и една од нив е обезбедувањето на слобода која ќе му ја гарантираме на Луис Манеул Дијаз, таткото на Луси Дијаз штом утврдиме дека тоа навистина е неговиот идентитет.
Тој е член на семејство на врвен спортист кој сите ние Колумбици го почитуваме. Сакаме да избегнеме инциденти и ќе го пуштиме на слобода. Луис Дијаз е симбол на нашата држава и се надеваме дека проблемите ќе бидат решени“, стои во соопштението.