Кица-Џелили: Самоопределувањето не крие дека сака да ги преземе институциите
Пратеничката на Демократскиот сојуз на Косово, Доарса Кица-Џелили изјави дека Движењето Самоопределување и Владата на Косово преку измена на Законот за државни службеници, што е пред пратениците, сакаат да ги контролираат вработувањата во институциите, пренесува Репортери.
„Законот за државни службеници е пред Уставен суд поради неговата неуставност.„Не можете да ги оставите луѓето без работа како сакате. Затоа со амандман ги прават овие измени на законите“, тврди таа.
Таа праша и што е толку итно што се свикува вонредна седница без да се чека одлуката на Уставниот суд.
„Зошто немате трпение да видите што пишува во Уставот и потоа да направите измени во законот“, праша Кица-Џелили и додаде дека никогаш не видела ништо слично на Косово. Но, Самоопределување не ни крие дека сака да ги заземе институциите“, рече таа.