Поп-ѕвездата Кети Пери (41) сподели серија фотографии на Инстаграм од романтично излегување со поранешниот канадски премиер Џастин Трудо (54), при што на духовит начин се осврна на нивната разлика во години.

„Колку години би имал ако не знаеш колку имаш?“, напиша таа во описот на објавата.

На една од фотографиите, двајцата позираат насмеани, држејќи ги телефоните на кои се прикажани резултати од тест за биолошка возраст. Според нив, Пери има „биолошки“ 33,1 година, повеќе од осум години помалку од реалната возраст, додека кај Трудо резултатот покажал 43 години, што е околу 11 години помалку од неговите вистински години.

Останатите фотографии нудат увид во нејзиното секојдневие, вклучувајќи и нежни моменти со нејзината петгодишна ќерка Дејзи, која ја има со поранешниот вереник Орландо Блум. На една од нив, Пери скија заедно со ќерката, додека на друга се гледаат специјално изработени каубојски чизми за девојчето.

Објавата доаѓа откако Пери и Трудо ја официјализираа својата врска на Инстаграм во декември 2025 година, по бројни заеднички појавувања во јавноста.

Според извори блиски до парот, нивен приоритет е стабилноста за децата.

„Кети и Џастин се трудат да бидат флексибилни за врската да функционира. Патуваат кога можат за да поминат време заедно, а врската на далечина никогаш не им била изненадување“, изјавил извор.

Претходно, пејачката сподели и други заеднички моменти со Трудо, меѓу кои селфи на отворено, романтична вечера и посета на интерактивна изложба.