Кејт Мидлтон и принцот Вилијам споделија дека биле „силно трогнати“ од изливот на поддршка што ја добиле откако принцезата од Велс ја открила нејзината дијагноза за рак.

Во видео-порака во петокот, Мидлтон откри дека е подложена на превентивен третман со хемотерапија, откако планираната абдоминална операција покажала дека „имало пристство на рак“.

Во саботата, Мидлтон и Вилијам објавија заедничка изјава преку Кенсингтонската палата во која изразија благодарност за добрите желби, пренесува „Фоксњуз“. 

„Принцот и принцезата се енормно трогнати од љубезните пораки од луѓето овде во Британија, низ Комонвелтот и ширум светот како одговор на пораката на Нејзиното кралско височество“, изјавил нивниот портпарол за Ројтерс.

„Тие се исклучително трогнати од топлината и поддршката на јавноста и се благодарни за разбирањето на нивното барање за приватност во овие моменти“.

Мидлтон, која сподели видеопорака за нејзиното здравје откако беше подложена на тешка операција на почетокот од оваа година, не елаборираше за видот на ракот или степенот во нејзината видеопорака. Во нејзиното видео, Мидлтон рече дека нејзината состојба првично се сметало дека е неканцерозна.