Нотингем форест го ангажираше Кејлор Навас кој доаѓа како позајмица од ПСЖ до крајот на сезоната.

Овој 36-годишен голман има огромно искуство на меѓународната сцена, со голем број на титули освоени со Реал Мадрид и ПСЖ.

Со „кралевите“ трипати ја освојуваше Лигата на шампионите, а со париските „светци“ двапати беше првак на Франција.

Вкупно 110 пати ги бранеше боите на репрезентацијата на Костарика, а настапи и на последното Светско првенство во Катар.

За првпат во неговата кариера ќе игра во Премиер лигата каде што моментно по 20 кола составот на Стив Купер е на 13 место со 21 бод.

Во последниот ден од зимскиот преоден рок Нотингем форест ги доведе и Џонџо Шелви, досегашниот играч од средниот ред на Њукасл и одбранбениот фудбалер Фелипе кој доаѓа од Атлетико Мадрид.

Keylor Navas is a Red. 😍

Your new home awaits. 🏡

— Nottingham Forest FC (@NFFC) January 31, 2023