Кедира во тајна врска со фудбалерка на Баерн (ФОТО)
Фудбалерот на Јувентус се најде во центарот на вниманието на германската јавност.
Медиумите открија дека 33-годишниот Сами Кедира, веќе извесен период е во тајна љубовна врска со капитенот на женскиот тим на Баерн и германска репрезентативка, Мелани Лојполц.
Нивната романска започнала уште минатата година кога Кедира поради убавата 26-годишна Мелани заминал во Регенсбург за да го следи натпреварот на женската репрезентација на Германија против Чиле.
Иако и двајцата ја негираат врската, германските медиуми твдат дека имаат докази, но засега одбиваат да ги презентираат на јавноста.
Мелани Лојполц е една од најдобрите германски фудбалерки која со Баерн Минхен два пати ја освојуваше титулата во домашното првенство, додека со репрезентацијата има триумф на Европското првенство во 2013 година и златен медал од Олимписките игри во Рио де Жанеиро од 2016 година.
Од друга страна, Сами Кедира се смета за еден од најголемите германски заводници чија слабост до појавувањето на Мелани, беа манекенките.
Кедира пред неколку години ја раскина веридбата со германската манекенка Лена Грецке и неа ја замени со топ моделот Адријана Лима но врската не траеше долго.