Во Белград, на Скадарлија вчера точно напладне беше откриен споменикот на легендарниот српски композитор и пејач на народна музика, Тома Здравковиќ, кој почина пред нешто повеќе од три децении, на 30 септември 1991 година.

Меѓу многуте познати личности кои присуствувале на настанот бил и Драган Којиќ Кеба, кој раскажал анегдота со Тома, која се случила за време на некој концерт на познатиот пејач.

– Имав среќа во животот да го запознам Тома и да бидам со него пет минути. Се сеќавам дека беше 1987 година. Во тоа време беше многу модерно да се пее на саемот во Шабац. Јас настапував како воведен пејач, додека не дојдоа Тома, Шабан, Зорица, Весна… Сите ѕвезди тогаш пееја на тие настани. Дојде Тома, ме потапка по рамо и ми рече: „Заслужуваш повеќе од ова, ќе се случи“. За жал, никогаш повеќе не го видов, а тој момент го паметам како незаборавен – изјавил Кеба.