Катрин Денев, иконата на Канскиот филмски фестивал од 60-тите години на минатиот век, во неделата изјави дека годинешниот филмски фестивал најмногу ја трогнал по пандемијата на коронавирусите и мозочниот удар што го преживеа во 2019 година.

Семејството откри: Катрин Денев доживеала мозочен удар

77-годишната Денев, е столб на француското кино и сè уште се појавува во бројни филмови. Облечена во црн фустан од кадифе и златен ѓердан.

Катрин се врати во Кан во саботата на премиерата на филмот „Peaceful“ кој е дело на францускиот режисер Емануел Беркот.

Денев и нејзиниот тим заработија овации, што видливо ја трогнало актерката. Таа ретко се појавуваше во јавноста откако почна пандемијата.

„Беше апсолутно извонредно. До последен момент се прашувавме дали навистина ќе се одржи“, рече Денев на прес-конференција.

„Го познавам Кан многу долго време. Секој пат е нешто сосема друго. Но, мислам дека некогаш не сум била толку трогната како што бев минатата ноќ кога влегов во киното и видов како публиката го поздравува филмот и мене“, додаде таа.