Извршниот директор на Ал Сад, Турки Ал-Али имаше изјава за можноста Чави Ернандез да седне на клупата на Барселона.

Медиумите во Шпанија се децидни дека претставниците на Каталонците Рафа Јусте и Матеу Алемани ќе се договорат за ослободување на младиот специјалист во следните неколку часа, но првиот човек на катарскиот клуб го тврди токму спротивното.

– Ја поздравуваме посетата на административната делегација на Барселона. Тоа го цениме и почитуваме. Сепак, ставот на нашиот клуб е јасен од самиот почеток – ние сме посветени да го задржиме нашиот тренер Чави со нас и не можеме да дозволиме да нè напушти во овој сензитивен период од сезоната – рече Ал-Али во соопштението за медиумите.

Денеска се објавија информации дека околу 19.45 часот навивачите на Барса очекуваат позитивни вести околу Чави кој би бил новиот тренер на клубот од „Камп Ноу“, но шефот на Ал Сад ги разочара со најновата вест.

Засега останува Барселона со привременото решение на клупата Сержи Баржуан по заминувањето на Роналд Куман.

Turki Al-Ali: The club's position is clear from the beginning – we are committed to keeping our coach Xavi with us and we cannot have him leave at this sensitive time of the season.#AlSadd

— 🏆 #76 Al Sadd SC | نادي السد (@AlsaddSC) November 3, 2021