Сите детали се тука, навивачите на Барса одбројуваат вечерва до 19.45 часот!

Навивачите едвај чекаат Чави да седне на клупата на каталонскиот гигант/ Фото: EPA-EFE/Alberto Estevez

Денеска од 17.55 часот предводникот на Ал Сад гостува кај второпласираниот Ал-Духаил во дерби кое би можело да го реши шампионот на Катар. Исто така, навивачите на Барса чекаат Чави Ернандес да се појави во јавноста по тој натпревар, околу 19.45 часот и да го каже својот следен чекор.

Чави ги постигна сите услови со Барса, но и со раководството на Ал Сад, што нема да му прави проблем да го исполни сонот и да седне на клупата на Барселона.

Оперативците на Барса, Матеу Алемани и Рафа Јуста беа „фатени“ на аеродромот во Доха, слетаа на последната рунда преговори и вечерва по мечот со Ал-Духаил сè треба да се официјализира.

Чави во текот на викендот ќе отпатува за Барселона, а се очекува во понеделник да биде промовиран пред новинарите и да започне нова ера.

Тој ќе има две недели да го воигра тимот за градското дерби тимот со Еспањол, што ќе биде негово деби на 20 ноември. Чави го чека договор до 2024 година, ќе има помали плати отколку во Ал Сад, но тоа му е најмалку важно.

Откако ги испиша златните страници на историјата како играч од 1998 до 2015 година, Чави се враќа на голема врата да продолжи да пишува историја и како тренер со каталонскиот клуб.

Потег на почит, Лука Модриќ сподели објава на Барселона и воодушеви со пораката