Потег на почит, Лука Модриќ сподели објава на Барселона и воодушеви со пораката
Капитенот на хрватската фудбалска репрезентација и член на Реал Мадрид, Лука Модриќ во последно време е активен на социјалните мрежи, а со последната објава на Твитер ги освои симпатиите на сите фудбалски фанови.
Модриќ прво и се јави на 80-годишната Елвира кога е голем фан на Хрватот кој потоа и испрати потпишан дрес и имаше специјална видео порака за неа.
Последната објава беше поврзана со фудбалерот на најголемиот конкурент, Серхио Агуеро кој на првиот натпревар за Барселона што го започна од првата минута, заврши во болница.
Имено, Агуеро на натпреварот против Алавес се пожали на болки во градите и на вртоглавица по што веднаш беше однесен во болница на детални испитувања.
Барселона вчера се огласи и соопшти дека Агуеро во наредните три месеци ќе биде надвор од тимот.
„Серхио Агуеро нема да биде во тимот во наредните три месеци. Тој период Агуеро ќе го помине во рехабилитација која потоа ќе покаже кога ќе може да се врати на терените“, објави Барселона.
Токму оваа објава на каталонскиот тим ја сподели и Модриќ кој притоа му порача на Аргентинецот:
„Главата горе Кун. Ти посакувам брзо опоравување. Прегратки“.
Mucho ánimo, Kun. Te deseo una pronta recuperación. Un abrazo. https://t.co/vOMhslSHKx
— Luka Modrić (@lukamodric10) November 1, 2021
Не се гледа често еден од клучните фудбалери на Реал Мадрид да споделува објава на Барселона, барем не во позитивна конотација и токму поради овој потег, Лука Модриќ ги воодушеви фудбалските фанови во Шпанија но и во целиот свет.