Англискиот фудбалски гигант Манчестер јунајтед официјално потврди дека на крајот од сезоната ќе се раздели со искусниот бразилски играч од средниот ред, Касемиро.

Иако во изминатиот период имаше значајна улога во тимот од „Олд Трафорд“, неговата авантура во црвениот дрес влегува во завршна фаза.

Бразилецот се огласи со емотивна порака, истакнувајќи дека престојот во Манчестер ќе му остане засекогаш во сеќавање.

„Засекогаш ќе го паметам моето патување со Манчестер јунајтед. Од првиот момент кога стапнав на овој убав стадион, почувствував страст и љубов од навивачите. Не е време за збогум, туку да создадеме спомени во следните четири месеци“, објави Касемиро.