Шпанскиот тенисер Карлос Алкараз објави дека нема да учествува годинава на грен слем турнирит Ролан Гарос поради повреда.

Вториот светски тенисер, нема да има можност да ја одбрани титулата во Париз, која ја освои минатата година со победата над Италијанецот Јаник Синеро, како и во 2024 година.

Шпанецот го повреди зглобот во Барселона и нема да игра на Мастерсот во Мадрид, а нема да биде ниту во Рим.

Иако имаше шпекулации дека Шпанецот би можел да биде подготвен за Ролан Гарос и дека ќе има време да се опорави поради тоа што не игра на Мастерсот, тој сепак нема да може да трча на париската земјена подлога.

– По резултатите од тестовите спроведени денес, одлучивме дека е најразумно да бидеме претпазливи и да не учествуваме во Рим и Ролан Гарос, додека чекаме да го процениме напредокот за да можеме да одлучиме кога да се вратиме на теренот. Ова е тежок период за мене, но сигурен сум дека ќе излеземе посилни – рече Алкараз на социјалните мрежи.

Алкараз забележа исклучителен настап оваа сезона со 22 победи и само три порази, со два освоени трофеи. Тој триумфираше на Отвореното првенство на Австралија, како и на турнирот во Доха.

Вториот грен слем во сезоната, Ролан Гарос, ќе се игра од 24 мај до 7 јуни.

Después de los resultados de las pruebas realizadas hoy, hemos decidido que lo más prudente es ser cautos y no participar en Roma y Roland Garros, a la espera de valorar la evolución para decidir cuándo volveremos a la pista. Es un momento complicado para mí, pero estoy seguro de… pic.twitter.com/U6PhjtXnBX

— Carlos Alcaraz (@carlosalcaraz) April 24, 2026