Македонскиот карате клубот „Шихан“ оствари историски успех на меѓународниот турнир „УНСУ ОПЕН 2025“, кој се одржа изминатиот викенд во Лесковац, Србија.

Во конкуренција на над 300 натпреварувачи, каратистите на „Шихан“ настапија со шампионска енергија, дисциплина и борбен дух.

Тие остварија фантастичен резултат, освојувајќи 52 медали од кои 26 златни, 10 сребрени и 16 бронзени

Круна на овој спектакуларен настап е фактот што Карате клубот „Шихан“ беше прогласен за најдобар клуб на турнирот во Србија, за што доби специјално признание и победнички пехар.

Овој огромен успех е резултат на напорната и посветена работа на натпреварувачите на „Шихан“ кои со срце и достоинство го бранеа името на клубот, како и на стручниот тренерски тим кој постојано ги води кон врвни резултати.