Повеќе од педесет илјади поштенски работници излегоа на штрајк низ Канада во знак на протест поради ниските плати и лошите услови за работа.

Штрајкот на канадските поштари трае веќе шест дена, што предизвика големи проблеми со испораката на пошта и пакети во сите делови на земјата, јавува Би-би-си, пренесува Политика.рс. Од синдикатот кој ги застапува вработените во Канада Пост, главниот поштенски оператор во земјата, велат дека преговорите се уште „многу далеку“ од крајот и сè уште траат. Поштенските работници бараат зголемување на платите и можност да работат викенди со зголемување на платата за прекувремена работа – наместо поштата да се потпира на аутсорсинг. Синдикатот бара зголемување на платите за 24 отсто во следните четири години, што е значително повисоко од 11,5 отсто предложени од работодавачите.