Јувентус до сега оваа сезона не може да се пофали со убав фудбал, но барем реди победи и се чини дека ќе биде конкурентен во борбата за шампионската титула на Италија.

Сепак, за да останат до крајот во борбата за скудетото со Милан и Интер, ќе мора да се засилат во претстојниот зимски преоден рок. Моментно Јуве по 11 кола во Серија А е на второто место со 26 бодови, само два помалку од водечкиот Интер.

Тренерот на „Старата дама“, Макс Алегри сака да го засили средниот ред, а како што пренесуваат англиските медиуми, Јувентус практично ги договорил сите детали со Манчестер сити околу трансферот на Калвин Филипс за кого нема место кај Пеп Гвардиола.

„Бјанконерите“ ќе го доведат англискиот репрезентативец на позајмица до крајот на сезоната, а потоа на лето ќе преговараат со „Граѓаните“ за надоместот кој наводно би изнесувал 50 милиони евра.

Пред да се пресели на „Етихад“, осум години ги бранеше боите на Лидс јунајтед.