На секој што му е здодеано од апартманите на ЕрБнБ со ѕидови тенки како хартија, кои не се „доволно свети“ и имаат бучни соседи, би сакале да побараат засолниште во некој од новите апартмани што ветуваат „мир, светлина и спокојство“ во срцето на јужниот шпански град Севиља.

Со оглед на тоа дека становите за кои станува збор се наоѓаат меѓу ѕидови од 16 век на манастирот Дева Марија, кој е дом на заедница на калуѓерки кои припаѓаат на затворениот ред на Сент Клер, блесокот можеби не е сосема фантастичен.

Вклучувањето на сестрите на пазарот за изнајмување станови започнал пред неколку месеци, откако тие решиле да ги разгледаат можностите за заработка надвор од изработените предмети и јадења кои ги продаваат на нивната врата.

Иако првично планирале долгорочно изнајмување на собите, тие заклучиле дека кратките кирии веројатно ќе им бидат најдоброто решение.

„Не сакавме директно да се вклучиме во управувањето со становите бидејќи тоа не е нашиот начин на живот“, изјави сестра Марија Хозе за Ел Паис.

Од ЕрБнБ велат дека првично биле изненадени кога стапиле во контакт со калуѓерките.

„Стапивме во контакт со нив минатото лето откако некој што ги купува нивните слатки ни кажа дека се заинтересирани да користат некои од собите што ги имале таму како туристички станови“, изјавија од ЕрБНБ за весникот. „Отидовме да ги прашаме за тоа“.

Двете страни наскоро постигнале едногодишен договор и становите сега може да се изнајмуваат за помеѓу 90 и 180 евра за минимум две ноќевања, во зависност од големината на избраниот стан.

Од ЕрБнБ велат дека првите два месеци на изнајмување привлекле повеќе странски посетители отколку шпански.

„Досега главно беа странци, но вистина е дека процентот на Шпанци е поголем отколку што обично добивате во овој вид имот“, велат од компанијата за Ел Паис.