Во пресрет на трите скопски концерти во Филхармонија (14 ноември, 6 и 7 декември), Калиопи во Белград ја промовираше својата нова песна „Добра вечер и лека ноќ“. Музиката, текстот, аранжманот и продукцијата повторно се потпишани од нејзиниот долгогодишен соработник Ромео Грилл.

Песната е веќе достапна на сите дигитални платформи, а видеото, изработено од Александар Ристовски – Принц, може да се погледне на официјалниот Јутјуб канал на Калиопи.

Со моќен текст, препознатлива емоција и мелодија што веднаш „влегува во уво“, песната веднаш ги освојува слушателите. Веќе по второто слушање, неминовно ќе почнете да ја потпевнувате. Како и секогаш, Калиопи и Ромео Грилл создадоа композиција полна со искреност, топлина и совршена музичка хармонија.