Како Салвадор Дали го создаде легендарното лого на „Чупа чупс“?
Логото на „Чупа чупс“ денес е едно од најпрепознатливите во светот на слатките, но малкумина знаат дека зад неговиот дизајн стои еден од најголемите уметници на 20 век – Салвадор Дали.
Препорачано
Приказната започнува во 1958 година, кога шпанскиот слаткар Енрик Бернат дошол до едноставна, но револуционерна идеја – бонбона на стапче. Тој забележал дека децата постојано си ги валкаат рацете додека јадат класични бонбони, па создал производ што брзо станал хит. Името „Чупа чупс“ потекнува од шпанскиот глагол „chupar“, што значи „цица“.
Како што брендот станувал сè попопуларен, Бернат сфатил дека му е потребен впечатлив визуелен идентитет. Во 1969 година се обратил кај Салвадор Дали, кој во тоа време веќе бил светска уметничка икона, познат по своите надреалистички дела и ексцентрична личност.
El logo definitivo de Chupa Chups fue diseñado en 1969 por Salvador Dalí.
La marca, fundada por Enric Bernat en 1958, necesitaba un emblema icónico, y Dalí creó una margarita amarilla con el nombre “Chupa Chups” en rojo.
La genialidad de Dalí derivó en algo poco convencional… pic.twitter.com/LS2AZrcXoM— MΛRC VIDΛL (@marcvidal) June 23, 2024
Дали создал дизајн што речиси и не е променет до денес. Тој го сместил името „Чупа чупс“ во форма налик на маргаритка, користејќи весели жолти и црвени тонови што асоцираат на радост и разиграност.
Но, генијалноста на Дали не била само во изгледот на логото. Тој предложил логото да не стои на страната на лижавчето, туку на неговиот врв. Така брендот секогаш останувал целосно видлив и непроменет, што било револуционерна маркетиншка идеја за тоа време.
Првата рекламна кампања со новото лого го носела каталонскиот слоган: „És rodó i dura molt, Chupa Chups“, што во превод значи „Тркалезно е и трае долго“. Иако едноставен, слоганот помогнал брендот уште повеќе да се прошири.
In 1969, Salvador Dalí was asked to create a new logo for Chupa Chups, resulting in a design as iconic as his famous melting clocks. Dalí integrated the Chupa Chups name into a vibrant daisy shape and, with his sharp sense of branding, recommended placing the logo on top of the… pic.twitter.com/MDmVPf6mue
— Design Reviewed | Graphic Design History (@DesignReviewed) August 16, 2024
Во 1980-тите „Чупа чупс“ започнал и необични анти-пушачки кампањи насочени кон возрасните. Еден од слоганите гласел: „Пушете Чупа чупс“. Пакувањата дури биле инспирирани од изгледот на кутиите за цигари, но со хумористични предупредувања како: „Цицањето не убива“.
Денес „Чупа чупс“ се продава во повеќе од 150 земји и нуди над 100 различни вкусови, а логото на Салвадор Дали останува еден од најважните симболи на брендот.
Основачот Енрик Бернат почина во 2003 година, оставајќи зад себе глобален бренд што и денес е синоним за лижавчиња. Компанијата сега ја води неговиот син Ксавиер Бернат.
Приказната за „Чупа чупс“ и Салвадор Дали е совршен пример како уметноста, креативноста и маркетингот можат заедно да создадат нешто навистина безвременско.
