Каја Гербер и постот на Инстаграм: дали е бремена?
Манекенката објавила профилна фотографија на која, на прв поглед, изгледа како да има стомаче.
Ќерката на Синди Крафорд, сега веќе популарен модел, Каја Гербер, предизвика лавина реакции на Инстаграм поради објавената фотографија. Имено, на фотографијата Каја позира со книга за деца и родители, кутивче сладолед и – тоа што е впечатливо е нејзиното „надуено“ стомаче кое изгледа како да е бремена.
Во објавата која се брзо ги „прошета“ социјалните мрежи, манекенката носи пар хеланки, кратка маичка и џемперче, а стомакот е откриен. Додека на модната писта стомакот ѝ е сосема рамен, сега не е така. Тоа предизвика сомнеж за, евентуална, бременост: кутивче сладолед во рака (потреба за слатко?!) и книга што ги советува родителите за мајчинство?!
Според некои извори до списанието „People“, ова била само „иронична шега“. Но, останува сомнежот. И, тој потхранува други прашања: Кој би бил таткото? Поранешното момче Пит Дејвидсон?! Со него врската заврши пред две недели.