Не е точно дека директорката на Токсикологија оди на работа по 4 часа дневно и дека се паркира на влез од Клиниката, рече министерот за здравство
Министерот за здравство доктор Илир Демири, проверил и утврдил дека не е точно дека економската директорка на Клиниката за токсикологија, Бесија Иљази одела на работа само по 4 часа дневно како што ја обвиниле нејзините колеги.
– Според моите сознанија, економската директорка оди на работа и не се паркира на влез на Клиниката, изјави доктор Демири на прашање на „Слободен печат“.
Тој рече дека не е законски што не е осигурана Клиниката каде раководи Иљази. Потсетен дека економските директори ги поставува министерот за здравство, Демири рече тоа е точно, но дека не може да има увид во сите документи.
За поплавата која денеска се случи на Клиниката за токсикологија откако пукна цевка од парно и поплави три ката од зградата, лекарски соби, и соба со документи според министерот, штетата е веќе санирана и ја платила Службата за заеднички работи при Клиниката. Оваа служба според претходникот на Демири, е рекордер во долгови на Клинички центар.
За Демири не е во ред што 18 лица на кои им истекле договорите за дело 4 месеци оделе на работа во предизборието а не добиле плата.
– Една голема неправда е направена на Токсикологија, а тоа е не обезбедување на согласност за договори за 18 вработени, сестри, болничари, техничари кои му служат на здравствениот систем без економски надомест 4 месеци. Тие се дел од здравствениот систем, рече министерот за здравство.
Пукнато парно ја поплави Токсикологија, водата пробила на три ката, а болницата не е осигурана