Ги отфрлам сите обвинувања на ОЈО кои ги сметам за неосновани и тенденциозни. Најодговорно тврдам дека го немам прекршено законот во ниту еден случај и тоа ќе се докаже, напиша пратеникот Дарко Каевски од СДСМ во своја објава на Фејсбук во врска со постапката на ОЈО.

OJO поднесе обвиненија против Наумче Мојсоски, Даниел Димевски и Дарко Каевски

Тој очекува дека во една јавна, транспарентна, фер постапка ќе се докаже вистината и дека ништо од тоа нема основа.

„Ниту сум можел ниту сум влијаел, ниту сум поттикнувал било кој од Централната Комисија. Особено што е именувана од друг орган надлежен по Закон, на владина седница. Дополнително сите членови во своите изјави кажале дека не сум присуствувал на работа на комисијата ниту сум давал сугестии. Се е јасно. Во делот на надзорот според тогашниот закон за спорт член 14е, извештајот се доставува до следната календарска година од добиените ваучери најдоцна до 15ти јуни или во конкретниот случај тоа е до 15.06.2021 година, период во кој што јас не сум директор на АМС“, пишува Каевски.

Каевски посочува дека мотивите на ОЈО да биде опфатен со ваква постапка, постои сомнеж дека ова е можеби и злоупотреба за избораната кампања.

„Едно е сигурно вистината ќе се потврди. Дополнително на ова вештачењето е од 25.04.2024 година ден после првиот круг од претседателските избори, а предлогот е доставен за 3 работни дена потоа“, заклучи тој во објавата.