Рускиот претседател Владимир Путин е повикан на самитот на БРИКС во Јужна Африка, и покрај налогот за негово апсење кој го издаде Меѓународниот кривичен суд, изјави јужноафриканската министерка за надворешни работи Наледи Пандор.

Според неа, се очекува рускиот лидер да учествува на самитот, кој ќе се одржи во август, иако потерницата на МКС е „причина за некаква загриженост“.

„Во минатото повеќе пати укажував на двојните стандарди во светските проблеми. Има многу други земји кои се вклучени во конфликти, но ниедна од нив досега не била интересна за МКС“, рече таа.

БРИКС е група на пет светски растечки економии – Бразил, Русија, Индија, Кина и Јужноафриканската Република.

Хашкиот суд минатата недела издаде налог за апсење на рускиот претседател, кој е осомничен за организирање на масовното киднапирање украински деца од окупираните територии и нивно депортирање во Русија.

Јужна Африка ќе биде на тест со хашката потерница по Путин: Земјата е обврзана да го уапси ако дојде на самитот на БРИКС