Јончевски со 12 кошаркари за натпреварот против Данска во претквалификациите за ЕП 2025
Непосредно пред заминувањето за Данска, каде во четврток нè чека првиот натпревар од вториот круг на претквалификациите за Евробаскетот 2025, селекторот на машката сениорска репрезентација Александар Јончевски го дефинираше играчкиот ростер.
Новиот предводник на „црвено-жолтите“ се определи за 12. кошаркари на кои ќе смета за првиот меч, оној во Арената во Нествед, предвиден да се игра на 25 август, со почеток од 19.00 часот.
Од планираните кандидати, поради ситна повреда, во составот нема да биде Бобан Стајиќ, а поради недостаток на високи играчи, шанса за деби во сениорскиот национален тим ќе добие Димитар Пандев.
Во вторник од 10.00 часот, за кога е предвидено заминувањето за Данска, на собирното место, пред Спортскиот центар „Борис Трајковски“ во Скопје, повикани се да дојдат: Војдан Стојановски, Бојан Крстевски, Кристијан Николов, Ненад Димитријевиќ, Андреј Магдевски, Стојан Ѓуроски, Теодор Симиќ, Дамјан Робев, Андреј Маслинко, Андреј Јакимовски, Виктор Ефремовски и Димитар Пандев.
Покрај Македонија и Данска, во нашата претквалификациска група „Д“ се и репрезентациите на Словачка и Норвешка.