Осми пат по ред, Никола Јокиќ се најде меѓу трите најдобри петорки во изборот на НБА-лигата, со што стана рекордер на Денвер нагетс, а место имаше и за словенечката ѕвезда Лука Дончиќ.

Српскиот центар вкупно шести пат е избран во идеалниот тим на сезоната, продолжувајќи да испишува историја во најсилната кошаркарска лига во светот. Во регуларниот дел од сезоната, Јокиќ бележеше просек од 27,7 поени, 12,9 скока и 10,7 асистенции по натпревар, со што оствари трипл-дабл просек.

Кошаркарот од Сомбор стана и првиот играч во историјата на лигата кој истовремено беше лидер и во скокови и во асистенции, додека Денвер сезоната ја заврши на третото место во Западната конференција.

Нагетс настапот оваа сезона го завршија со елиминација од Минесота уште во првото коло од плејофот.

 

View this post on Instagram

 

A post shared by NBA (@nba)