Јелена Спенџарска раскажа за љубовта и за бракот, поточно за една необична случка во студиото.

Спенџарска, како што е познато, е дел од утринската програма „Здраво Македонијо“ на телевизија Канал 5, и е доста активна на социјалните мрежи, снимајќи видеа пред и по утринската емисија.

Новото видео што го објави на нејзината инстаграм-приказна е поврзано со гостинка која ѝ дала уникатен подарок, а тој подарок на Јелена ѝ дал знак во кој таа многу верува.

„Ми го донесе ова една гостинка која изработува ракотворби и нешто си зборевме, за љубов, за брак, таа седеше таму на тоа столче, и додека зборевме, тоа падна накај мене“, рече Спенџарска држејќи ја во раце малата рачна дрвена изработка со светци.

„И жената го крена, тука ми го донесе, ми го стави и рече: ‘Ова е некој знак дека некои работи ќе ти се раскрстат тебе на подобро’. И јас верувам во такви работи, и чекам да ми се раскрстат работите на подобро, затоа што било добар знак“, рече водителката и инфлуенсерка со голема радост.

Во неколку наврати, на Инстаграм објави дека во 2025 ѝ се случиле и дорби и лоши нешта.

„Наскоро ќе има многу постови од луѓе кои ќе споделуваат што сè постигнале во 2025 година. Во случај некој да треба да го прочита ова, сосема е во ред ако единственото нешто што го постигна годинава е што преживеа“, напиша таа на Инстаграм неодамна.