Македонската актерка Јелена Јованова Периќ, која на нашата публика ѝ е најпозната по улогата на Јелена од Драчево во серијата „Преспав“, во 2015 година се омажи за хрватскиот колега Стјепан Периќ, со кого се запознале на заедничкото снимање на серијата „Тајни“.
Оттогаш Јелена живее во Хрватска, а сега за Inmagazin (каде што можете да го проследите и целото интервју), откри како изгледа нивниот живот зад камерата, што најмногу го интересира нивниот петгодишен син и дали храната е подобра во Хрватска или во родната Македонија.

Јелена и Јаков биле меѓу публиката на филмската премиера под ѕвезденото небо на Арената „Летото на Бумбарот“, во која глуми нејзиниот сопруг Стјепан.

„Едвај чекаше да го види татко му. Тоа ќе го прераскажува. Сега во градинка ќе има цел проект за тоа како се чувствувал на премиерата на филмот. Мораме сè да документираме, па ќе ги развиеме фотографиите…“, вели Јелена.

Неговата најголема дилема била – кој всушност е чиј?

– Дали тој навистина ти е син или „демек“? И дали таа ти е жена или „демек“, бидејќи мама е твоја жена, а јас сум твој син… Тоа беше едно десет пати.“

„Летото на бумбарот“ е вистински семеен филм, а Стјепан го глуми по малку несмасниот Дарко.

-Па, нема да се играме самите себеси, тоа сум јас „како фраер“. Но, ми се чинеше дека сакам да глумам некој таков – исплашен штребер, Далматинец, по долго време… Беше одлично, супер ми беше“, вели Стјепан.

А додека Стјепан го снимаше тој филм, Јелена открива дека дома не ѝ било баш лесно.

„Стјепан отиде на снимање еден ден откако го родив нашето второ дете и беше одлично што се породив малку порано, за да може да присуствува на породувањето… Едвај чекав да го видам филмот и навистина ми се допаѓа.“

По раѓањето на вториот син, Јелена наскоро повторно ќе се појави пред камерите. Овој пат, вели таа, сепак си одвоила повеќе време за себе.

„Мојот втор син има девет и пол месеци, па останав малку повеќе со Том и си дадов време, бидејќи Јаков имаше само три месеци кога се вратив на работа – отидов на снимање – и малку ми е жал за тоа бидејќи времето лета толку брзо. Имам чувство дека пропуштив некои работи, и затоа сега сум со Том…”

„Ама, добро, ти не беше некоја лоша мајка, отиде да одработиш проект што траеше еден месец. Не е дека веднаш целосно се врати на работата…“, додаде Стјепан.

„Но, времето толку брзо ми лета што сега со Том навистина си дадов малку повеќе пауза. Тој ќе има десет и пол месеци кога повторно ќе почнам да снимам“, објасни Јелена.

Неодамна нивниот син Јаков почнал да покажува интерес за мајчиниот јазик на неговата мајка.

„Јаков сега почна да покажува интерес да научи македонски јазик и сега малку прашува: како да се кажува ова, како се кажува она.“

А Стјепан веќе го познава прилично добро македонскиот јазик.

-Бев таму седум или осум дена и реков: „Ајде, зборувајте ми само на македонски.“ Првите два или три дена те боли главата, но по осум дена навистина се снаоѓаш. Јазикот не е толку тежок – додаде Стјепан.

 

View this post on Instagram

 

A post shared by Jelena Jovanova (@jelenajovanovaperic)