Обдукцијата на телото на Диего Армандо Марадона траеше околу три часа, а за истата засега има само неофицијални информации за тоа што е донесено како заклучок.

„Ел Пибе“ почина во својот дом во Буенос Аирес, а официјалните резултати од обдукцијата сè уште се чекаат.

Прелиминарната обдукција (тим од шест експерти по судска медицина во болницата во Сан Фернандо) вели дека Аргентинецот починал во сон поради срцева слабост.

Или подетално починал од акутна, конгестива и хронична срцева инсуфициенција. Тоа е состојба во која срцето не може да испумпа доволно крв за да го снабди целиот организам.

Исто така, утврдено е дека постои кардиомиопатија, состојба во која срцевиот мускул е толку слаб што не може да пумпа крв. Основниот проблем бил предизвикан од акутен едем на белите дробови, се вели во првичните лекарски извештаи.

Воедно медиумите во Аргентина информираат дека била направена и токсиколошка анализира за да се утврди дали во телото на Марадона имало алкохол или дрога.

Пороците кои го уништија Марадона: Не можеше без кокаин, а пред него клечеа кумовите на мафијата