Израел се обидел да убие припадник на Хезболах во Либан, но настрадал висок функционер на христијанска партија која се противи на проиранската група. Израелските одбранбени сили (ИДФ) признаа дека не успеале да ја убијат предвидената мета и дека жалат што повредиле цивили, објавија медиумите.

Партијата на либански сили, во која членуваат главно христијани, кажа дека во нападот врз станбена зграда во доминантно христијанскиот град Аин Садех близу Бејрит загинале Пјер Муавад и неговата сопруга Флавија. Локалниот градоначалник кажа дека загинатите биле еден кат подолу од станот што наводно бил мета.

Партијата на либански сили соопшти дека „Пјер Муавад не бил борец, ниту воена цел“ и дека славел Велигден дома со своето семејство пред смртоносниот напад.

Партијата го осудува Хезболах и рече дека она што се случило е резултат на воени конфронтации што се воведуваат во станбените населби.

На израелската војска ѝ фалат луѓе и од тоа може да се распадне, алармира шефот на Генералштабот