Во серија ракетни напади изведени во текот на ноќта, САД и Израел погодиле пет нафтени постројки во Техеран и во околината на иранската престолнина, изјави официјален претставник на државната телевизија, според „Ал Џазира“.

„Синоќа, непријателски авиони нападнаа четири нафтени депоа и центар за транспорт на нафтени производи во Техеран и Алборз“, изјави за државната телевизија Керамат Вејскарами, директор на Националната иранска компанија за дистрибуција на нафтени производи.

Тој додаде дека сите пет постројки се „оштетени“, но дека „пожарите се ставени под контрола“.

Во меѓувреме Иран продолжува да ги напаѓа американските сојузници во регионот. Ноќеска ирански дронови погодија облакодер и аеродромот во Кувајт Сити.

ВИДЕО | Изгоре облакодер во Кувајт, ноќеска го погодиле ирански дронови