Израел денес ублажи дел рестрикциите за извоз од појасот Газа, еден месец по завршувањето на 11-дневната војна помеѓу нивната војска и исламските екстремисти на Хамас кои владеат со тој дел од палестинската територија.

Како што известува бета.рс сега е возможен ограничен извоз, пред сѐ на земјоделски производи и текстил од таа палестинска енклава. Ова го најавила Управата за координација на владините активност на таа територија, која е формирана во рамките на Министерството за надворешни работи на Израел.

– По направените проценки за безбедност, донесена е одлука, за прв пат од почетокот на конфликтот, да се овозможи ограничен извоз на земјоделски производи од Газа – наведуваат од Управата во своето соопштение.

Во соопштението се додава дека овој потег го одбрила новата Влада на Израел предводена од премиерот Нафаталије Бенет и предупредуваат дека „се зависи од одржувањето на безбедносна стабилност“.

Со извозот на стока од појасот Газа ќе биде дозволено и праќање на пошта. Израел го држи појасот Газа под блокада откако Хамас во 2007 година ја презеде контролата на тој дел од територијата. Извозот и увозот во Газа беше суспендиран за време на конфликтот кој траеше од 10 до 21 мај оваа година.