Утринава меѓу 3 и 4 часот, во тетовската болница, непознат сторител ја оштетил цевката за централен довод на кислород, која за среќа не водела во ковид одделението каде на 120 пациенти им е потребен кислородот, туку водела во Ургентниот центар, каде има пациенти со инфаркти на кои кислород само повремено им треба.

Раководителот на ковид одделението доктор Гзим Нуредини вели дека е избегната катастрофа која што несомнено би се случила доколку 120 пациненти одеднаш останале без кислород, што им е неопходен за да преживеат.

-Се потрудиле да оштетат цевка за снабдување со кислород на новите апарати за кислород. Нападот беше во утринските часови ноќеска, во 3 или 4. Не знаеме кој бил напаѓачот, но сабајле видовме дека некое непознато лице удрило во цевките и ги оштетило, но за среќа не се работи за цевки што водат кај 120 хоспитализирани, туку во ургентниот центар каде имаме пацинети со инфаркти, но за среќа немало потреба таму од кислород. Да била оштетена другата цевка која го носи кислородот до ковид пациенти, ќе било катастрофа. Кај ќе ги транспортираме за 10 минути да најдеш кислород, замислете што би било со тие 120 пациенти. Да беше во ковид одделението, тоа ќе беше хаварија, изјави доктор Нуредини за Слободен печат.

Полицијата и обвинителството ги прегледуваат камерите.