Италијанскиот министер му одговори на Роналдо: Немаш право да лажеш и да бидеш арогантен…
Италијанскиот министер за спорт, Винченцо Спадафора му порача на Кристијано Роналдо да ја признае одговорноса и да остави добар пример за сите.
Роналдо за време на настапите во Лигата на нации со португалската репрезентација откри дека е позитивен на коронавирус и наместо да остане во карантин во родната земја, тој замина во Италија.
Со тој потег Роналдо го прекршил корона протоколот и ги донел во опасност сите луѓе околу себе.
Роналдо се врати во Италија со приватен лет, останува во карантин!
Португалецот се бранеше дека тоа не е точно бидејќи допатувал со медицински авион и никого не довел во опасност.
– Способностите и вештините на одредни играчи не им даваат за право да бидат арогантни, да не ги почитуваат институциите и да лажат. Вистината е дека кога некој е многу познат треба да чувствува поголема одговорност и да размисли пред да каже нешто за да остави добар пример – изјави министерот Спадафора и додаде:
– Немам намера постојано да се занимавам со ова прашање. Стојам зад моите зборови што се однесува со напуштањето на хотелот на некои играчи на Јувентус.