Италија е најпогодена земја во Европа од коронавирусот кој од ден во ден се повеќе се шири низ „чизмата“, по што Владата одлучи да реагира и забрани секакви спортски настани до 8 март.

Оваа забрана се однесува на реоните во Ломбардија, Венета и Емилиа-Ромање и градовите Севона и Пезаро-Урбино.

Поради забраната од Владата, фановите на Серија А ќе останат покуси за неколку интересни натпревари кои требаше да се играат наредниот викенд меѓу кои се Аталанта – Лацио, Болоња – Јувентус, Интер – Сасуоло и Верона – Наполи.

Натпреварот помеѓу Сампдорија и Верона кој требаше да се игра утре е одложен за 13 мај кога ќе се играат и сите откажани натпревари од 26 коло во кое требаше да се сретнат Јувентус – Интер, Милан – Џенова, Удинезе – Фиорентина, Сасуоло – Бреша и Парма – Спал.

Екипите од Серија А за среда закажаа состанок во Рим на кој ќе се расправа за моментната состојба бидејќи за повеќето од нив 13 мај не е прифатлив термин за одигрување на одложените натпревари.