Целата драма што се случи вчера на Олимписките игри во Париз, по борбата на италијанската боксерка Анџела Карини и Иман Хелиф од Алжир, доби свој епилог.

По само 46 секунди од борбата Италијанката го загуби мечот од Алжирката, која пред тоа и зададе болен удар од улица, а Карини по борбата се расплака и одби да се збогува со својата ривалка.

По борбата, таа истакна дека никој никогаш не ја удрил толку силно, а целата приказна веројатно ќе поминеше под радар доколку за Хелиф не се зборуваше како човек кој го сменил полот и добил дозвола да се натпреварува со жени. .

– Целата оваа полемика ме растажува. Жал ми е и за мојот противник. Од ИОК велат дека таа може да се бори и јас ја почитувам таа одлука – изјави Карини за „Гаѕета дело спорт“.

Италијанката и понатаму стои зад нејзината одлука да го предаде мечот, но жали што не се ракуваше со ривалката.

– Тоа не беше нешто што имав намера да го направам. Сакам да и се извинам. И на неа и на сите други. Бев бесна затоа што сите мои шанси на Игрите ми испари пред очи – рече Карини која додае следниот пат ќе ја гушне Хелиф.