Во уште една тажна ноќ преполна во сеќавања на Кби Брајант, Бади Хилд во чест на својот идол постигна 42 поени и е најзаслужен за историскиот пресврт на Сакраменто над Минесота кој по продолжението славеше со 133:129.
Досега ниту еднаш во историјата не се случило екипа да губи со 17 поени разлика на три минути до крајот и потоа да дојде до победата.

Покрај Хилд, одлична партија прикажа и Немања Бјелица кој натпреварот го заврши со 20 поени, 9 скокови и 8 асистенции. Кај Минесота, Ендрју Вигинс постигна 36 поени.

Лука Дончиќ одигра уште еден натпревар и го предводеше Далас до победата од 107:97 над Оклахома сити. Одличниот Словенец средбата ја заврши со 29 поени и 11 скокови.

Во дербито на Флорида, Мајами со 113:92 го победи Орландо, а во главната улога беше Бам Адебајо со трипл-дабл од 20 поени и по 10 скокови и асистенции.

Резултати:
Детроит – Кливленд 100:115
Мајами – Орландо 113:92
Чикаго – Сан Антонио 110:109
Минесота – Сакраменто 129:133
Оклахома сити – Далас 97:107
Јута – Хјустон 117:126