Трошоците за живот во Исланд ги надминаа оние во Швајцарија, а оваа земја повторно стана најскапа во светот, покажуваат податоците на Евростат и Централната банка на Исланд.

Нивото на цените во земјата на огнот и мразот сега го надминува она на Швајцарија за три процентни поени, изјави Вилјалмур Хилмарсон, економист во синдикатот на работници „Виска“, кој користел податоци од статистичкото тело на Евростат и исландската централна банка. Цените во Исланд последен пат ги надминаа цените на Швајцарија во 2018 година

Тој истакна дека овие податоци се уште една причина зошто финансиската прифатливост на животот во Исланд е проблематична. Високите плати, економијата базирана на силен туризам, скапите недвижности и зависноста од увоз придонесоа оваа земја да биде најскапа за живеење во светот.

Проценката на синдикатот се базира на меѓународна споредба на цените – цените на истите производи и услуги во различни земји, објави Свисинфо.цх.

ЕУ го казни „Тему“ со 200 милиони евра за опасни играчки за бебиња и неисправни полначи