Заедно со свои истомисленици помеѓу колегите во НБА, во женската ВНБА лига како и од светот на шоубизнисот се обидува да покрене иницијатива која ќе го преиспита продолжението на лигата во Орландо бидејќи така ќе се одвлече вниманието од протестите.

Неговата идеја не наиде на преголемо воодушевување кај кошаркарите бидејќи поголемиот дел од нив сметаат дека токму со продолжението на сезоната ќе имаат поголемо влијание на борбата со расизмот.

НБА лигата ќе биде единствениот професионален спорт кој ќе се игра во САД и како таков ќе има голема гледаност и со тоа ќе им се овоможи на играчите нивниот глас во борбата против расизмот да биде слушнат од милиони фанови и жители на САД.

Тие исто така му замеруваат на Ирвинг дека е дволичен бидејќи е еден од најдоброплатените играчи во НБА лигата и нема никакви финансиски проблеми, а во исто време бара од кошаркарите кои имаат 20-30 пати помали плати од него да се откажат од своите примања.

Ирвинг откако не наиде на поддршка кај колегите, има нова идеја, тој на соиграчите на Бруклин нетс им предложил да покренат сопствена лига, пишува „New York Daily News“.

In a recent chat group with Nets players, Kyrie Irving lobbied for skipping the bubble, the Daily News has learned. In that chat, he also proposed that the players can start their own league, according to a source. https://t.co/SqC0wcccPJ

— Stefan Bondy (@SBondyNYDN) June 16, 2020

Ваквата идеја наиде на помешани реакции кај кошаркарите, едни го подржуваат но многу повеќе се противници на овој предлог. Мет Барнс, поранешниот НБА кошаркар кој заедно со Стивен Џексон, исто така поранешен кошаркар се домаќини на подкастот „All the Smoke“, смета дека Кајри Ирвинг е лицемер.

„Кајри треба да прекине да с**е бидејќи колку што слушнав јас, тој сакаше да оди во Орландо заедно со својот тим, но откако не му дозволија бидејќи е повреден и така сакаат да го заштитат од коронавирусот – тој ја смени плочата. Кајри сега зборува за откажување на сезоната. Ги почитувам играчите кои не сакаат да играат поради коронавирусот и се плашат да не го заразат семејството, но доколку причината е некакво движење тогаш мора да ја преземе одговорноста“, рече Барнс.

Според медиумите, Кајри Ирвинг откако не добил поддршка за неговите идеи и предлози, ги напуштил сите груши на социјалните мрежи во кои комуницираше со останатите НБА кошаркари.