Извршниот претседател на инвестицискиот фонд „Инвесткорп“, Мохамед Ал Арди, изјави дека се откажува од купување на Милан. „Инвесткорп“ беше првиот сериозен купувач на новиот италијански шампион Милан, но на крајот првиот човек одлучи да се откаже од таквата намера.

Причината за повлекувањето е неможноста да најде заеднички јазик со актуелните сопственици на Милан, инвестицискиот фонд од САД, „Елиот“.

– Имавме разговори со сопствениците на Милан, но не успеавме да најдеме заеднички јазик и одлучивме да се повлече од преговорите – изјави Ал Арди.

Фондот од Бахреин понуди 800 милиони евра во готовина за купување на Милан и дополителни  400 милиони евра со кои би се платиле долговите на „росонерите“ кон банките, но актуелниот сопственик бараше повеќе пари.