Градоначалникот на скопската општина Гази Баба, Бобан Стефановски, информира дека инспектори на општината излегле на терен за да откриваат автомобили паркирани на јавни зелени површини долж улицата „Коце Металец“ во населбата Железара, но не изрекувале казни, туку само опомени.

Акцијата е спроведена согласно Законот за урбано зеленило и Одлуката за комунален ред на Општина Гази Баба, со цел заштита на јавните зелени површини од узурпација и оштетување.

Од општината апелираат сопствениците на возилата да ги отстранат во предвидениот рок, во спротивно ќе следуваат соодветни прекршочни санкции во согласност со законските прописи.

„Зелените површини се белите дробови на нашата заедница и мора да ги чуваме“, порача Стефановски, најавувајќи дека ваквите контроли ќе продолжат и во другите населени места со цел создавање почиста и поуредена средина за граѓаните. објави Скопје1.мк