Најосновните намирници во продавниците во Пјонгјанг веќе ги нема, владее недостаток на луксузни добра како алкохол и електроника, но прво ги снема увозните артикли, пишува „Вашингтон пост“.

Хеликоптери прелетуваат ниско над Пјонгјанг, велат извори за „Вашингтон пост“, а железничкиот сообраќај е пореметен.

Ваквата ситуација е последица на информациите дека Ким Џонг Ун починал по операција на срце, а во државните медиуми нема никаква информација за него или неговата здравствена состојба од 11 април.

Според некои претходни извештаи, тој по операцијата се наоѓа во вегетативна состојба, додека некои други пишуваат дека веќе е мртов.

Јапонските и јужнокорејските весници во повеќе наврати пишуваа за смртта на неговиот дедо, Ким Ил Сунг како и за неговиот татко, Ким Џонг Ил со години пред ттие навистина да умрат.

И Ким Џонг Ун во 2014 година прерано беше прогласен за мртов, откако шест недели се немаше појавено во јавност.

Меѓутоа, според информациите на државните медиуми, Ким наводно вчера испратил особена благодарност до градежните работници ангажирани на големи проекти.

Како што пренесува „Скај Њуз“ Мунг Чанг-ин, главниот советник на јужнокорејскиот претседател Мун Џеј-ин, е еден од ониже што тврдат дека сепак Ким Џонг-ун е жив.

ПРОЧИТАЈТЕ:

Единствено нејзе Ким Џонг Ун ѝ верува: Која е Ким Џо Џонг и дали таа ќе биде следната 
владетелка на Северна Кореја?