Викендов во натпреварот од третата лига помеѓу Саетска и Преспа се случил инцидент во кој бил нападнат фудбалер на гостинскиот состав.

Инцидентот се случил во Волино кога 43-годишниот С.Б го нападнал 25-годишниот  фудбалер од селото Грнчари (Ресен).

Случајот го потврдија и од СВР Охрид од каде што реагирале и го уапсиле напаѓачот.

„Тој, по завршување на фудбалски натпревар од третата фудбалска лига одржан во Волино, физички нападнал 25-годишно лице од ресенското село Грнчари, фудбалер од гостинската екипа, кој бил префрлен во болницата „Св. Еразмо“ во Охрид за укажување помош. По целосно документирање на настанот, против напаѓачот ќе биде поднесена соодветна пријава, информираат од СВР Охрид“, информираа од СВР Охрид.

Кога е натпреварот во прашњето, средбата завршил со поделба на бодовите на двете екипи 1-1.