Глобална анкета за платите на спортистите покажа дека просечната плата на фудбалер во Премиер лигата изнесува 61.024 фунти, додека на годишно таа изнесува околу три милиони фунти.

Поради големите плати, добар дел од фудбалери не ни сонувале дека ќе се најдат во одбраниот круг на многу богати луѓе. Но, фудбалери како Уго Лорис, Жерар Пике или Патрик Бамфорд беа богати и пред да станат професионални фудбалери.

УГО ЛОРИС

Голманот на Тотенхем и на француската репрезентација го добил името по славниот писател Виктор Иго. Уште од детството Лорис живее лагоден живот бидејќи мајка му Мари е успешен адвокат, додека татко му Лук е банкар.

РОБИН ВАН ПЕРСИ

Холанѓанецот освен што беше еден од најдобрите напаѓачи на светот беше и еден од најелегантни и најкреативните фудбалери. Тоа воопшто не чуди бидејќи неговите родители се уметници. Татко му Боб е скулптор, додека мајка му Џоси Рас е сликарка и дизајнерка на накит.

ЖЕРАР ПИКЕ

Пике е член на Барселона и со каталонскиот клуб освои се што можеше да се освои, а дека е успешен човек доказ е и тоа дека сопруга му е популарната пејачка Шакира.
Таткото на Жерар, Жоан е правник и бизнисмен, додека мајка му Монсерат е директорка на болница. Неговиот дедо, Амадор Бернабеу е поранешен директор на Барселона.

ПАТРИК БАМФОРД

Бамфорд е поранешен фудбалер на Челси кој сега е соиграч на македонскиот репрезентативец Езгјан Алиоски во Лидс. Бамфорд е роднина на основачот на компанијата JCB и бизнисмен, Џозеф Бамфорд.

МАРИО ГЕЦЕ

Таткото на Марио, Јирген Геце е професор во технолошкиот факултет во Дортмунд, а во 1990-тите години беше член на информатичкиот оддел на престичниот американски универзитет Јејл.

АНДРЕА ПИРЛО

Пред Андреа да стане еден од најдобрите светски фудбалери, семејството Пирло беше познато по неговиот татко. Во Бреша во 1982 година основа компанија за трговија со челик која е меѓу најуспешните во Италија.

ОЛИВЕР БИРОФ

Таткото на Оливер, Ролф Бироф е шеф на компанија чија дејност е трговија со енергенси.

ЏАНЛУКА ВИЈАЛИ

Поранешниот италијански репрезентативец и фудбалер на Челси и Сампдорија детството го помина во замок со дури 60 соби. Неговиот татко е милионер, а Џанлука и сега редовно оди во замокот во близина на Кремона.

ФАИК БОЛКИАХ

Иако многумина не го слушнале името на Фаик Болкиах, тој е најбогатиот фудбалер. Фаик е внук на султанот од Брунеи и неговото богатство се проценува на дури 20 милијарди долари.