И навивачите во борбата против коронавирусот (ФОТО)
Алжир е шестата африканска држава во која не се игра фудбал поради опасната зараза, после Конго, Габон, Гана, Мароко и Египет.
Фудбалот застана ширум светот поради пандемијата на коронавирусот, а ретки се државите каде што уште се применува најспоредната работа на светот.
Една од тие држави, сè до изминатиот понеделник, беше и Алжир. Три натпревари од алжирското првенство се одиграни во неделата, и тоа со присуство на публика, но еден ден подоцна алжирските власти веднаш реагираа за прекин на фудбалските натпреварувања.
Encore une fois les ultras algériens en avance sur les combats qui feront de l'Algérie un pays meilleur ! https://t.co/Q5Kdaz1Abq
— Kendouciste (@MohamedBrahdji) March 16, 2020
Регистрирани 54 случаи на коронавирус, четворица починале, а 12 лица се излечени во оваа држава.
Алжир е шестата африканска земја во која не се игра фудбал, после Конго, Габон, Гана, Мароко и Египет.
Во меѓувреме, доаѓа еден убав гест од фудбалските навивачи на Алжир, поточно т.н. „Ултраси“ кои исто така сериозно ја сфаќаат ситуацијата во борбата против ширењето на вирусот.
На „Твитер“ се објавени слики на „Ултраси“ од Скикда, град на истокот на Алжир, кои помагаат во дезинфекцијата на градските улици.