Расте бројот на странски работници во Хрватска. Според последните податоци од МУП, од нив се вработени над 172 илјади. Тоа е за 28 отсто повеќе дозволи за престој и работа отколку во претходната година. Недостиг од работници има речиси во сите индустрии. Според пресметката на Хрватското здружение на работодавачи, до 2030 година во Хрватска треба да работат повеќе од половина милион странски работници. Камал Гурунг од Непал пристигна во Хрватска од Велика Британија по Брегзит.

– Германија или Австрија не ми се интересни. Хрватска сега е нешто ново, нова земја која неодамна влезе во Шенген. Таму се чувствувам удобно, запознавам мирни и пријатни луѓе, истакнува Кемал за ХРТ, пренесува СЕЕ.биз.еу.

Непалците станаа трети по бројни странски работници во Хрватска, веднаш по граѓаните на Босна и Херцеговина и Србија. Странците најчесто се вработени во градежништвото, туризмот и индустријата. Тоа се дејности во кои има хроничен недостиг од работници. ХУП пресмета дека, врз основа на економскиот раст и пазарната динамика, повеќе од половина милион странски работници ќе работат во Хрватска до 2030 година. Ова е речиси една третина од сите вработени.

– Секако, мора да ги земеме предвид овие демографски движења, значителното намалување на бројот на жители, бројот на активни жители, заминувањето на нашите луѓе надвор од нашите граници. Дури и некои анализи покажуваат дека Хрватска во следните 20 години ќе загуби 400 илјади работоспособно население, вели Јасминка Мартиновиќ, Хрватско здружение на работодавачи.